ნატო ყარაბაღის კონფლიქტში ირიბადაა ჩართული

გუშინ ნატოს გენერალურმა მდივანმა, იენს სტოლტენბერგმა სომხეთის პრეზიდენტთან გამართული შეხვედრის შემდეგ განაცხადა, რომ ნატო მთიანი ყარაბაღის კონფლიქტის ნაწილი არ არის. მანვე დასძინა რომ ნატო შეშფოთებას გამოთქვამს ცეცხლის შეწყვეტის რეჟიმის დარღვევის გამო.

თუმცა დასავლური მეინსტრიმული მედია სდუმს ერთი მნიშვნელოვანი საკითხის გარშემო. ნატოს ერთ-ერთი უმსხვილესი წევრი თურქეთის სახით ყარაბაღის კონფლიქტში წამქეზებლური პოზიციით გამოდის. ოფიციალურმა თურქეთმა გუშინ განაცხადა, რომ მზად არის აზერბაიჯანს ყველანაირი დახმარება აღმოუჩინოს.

იქამდე, როგორც ფრანგული პრესა იტყობინებოდა, საფრანგეთის პრეზიდენტმა, ემანუელ მაკრონმა თურქეთისგან ახსნა-განმარტება მოითხოვა ჯიჰადისტი ბოევიკებისგან აზერბაიჯანში გადასროლის საკითხზე. მაკრონმა ასევე ნატოს მოთხოვა მათი მოკავშირის, თურქეთის ქმედებებისთვის წინააღმდეგობის გაწევა, რადგანაც მისი სიტყვებით ‘‘წითელი ხაზი გადაკვეთილია, რაც მიუღებელია”.

ილჰამ ალიევი და რეჯეპ ტაიპ ერდოგანი

პოლიტიკური მოვლენების ღრმა ანალიზი არ არის საჭირო იმაში გასარკვევად, რომ თურქეთი ყარაბაღში მიმდინარე მოვლენებში აქტიურადაა ჩართული როგორც იდეოლოგიური, ასევე მატერიალური და სამზედრო კუთხით. ეს კიდევ ერთხელ ეჭვქვეშ აყენებს ნატოს წესდებაში ლამაზად ჩამოყალიბებულ მისიას მშვიდობის დამყარების შესახებ.

მაშინ როდესაც სომხეთსა და აზერბაიჯანს შორის სრულმასშტაბიანი ომი მიმდინარეობს ნატოს ერთ-ერთი ყველაზე დიდი წარმომადგენელი, თურქეთი ამ ომში ყველაფერს აკეთებს სისხლისღვრის გაგრძელებისთვის და ამ დაპირისპირების მასშტაბების ზრდისთვის.

და ამ ყველაფრის ფონზე ნატოს გენერალური მდივანი გამოდის და შეშფოთებას გამოთქვამს სომხეთსა და აზერბაიჯანს შორის ცეცხლის შეწყვეტის რეჟიმის დარღვევის გამო. სასაცილოა, სატირალი რომ არ იყოს. დასაწყისისთვის იქნებ იმაზე ეზრუნა სტოლტენბერგს ნატოს წევრი თურქეთი რომ დააშოშმინოს?

თურქეთში ქურთების დარბევა დაიწყო

მთელი თურქეთის მასშტაბით ქურთების დევნა, ჩაგვრა, წამება და შევიწროვება დაიწყო. თურქული წყაროები მარტო 8 სექტემბრის განმავლობაში ქურთულ ორგანიზაციებზე 126 თავდასხმას ითვლიან. ყველაფერი ეს თურქეთის პრეზიდენტის რეჯეპ ერდოგანის დავალებით ხდება. შეგახსენებთ, რომ თურქეთში ჩატარებული ბოლო საპარლამენტო არჩევნების შედეგად პროქურუთულმა პარტია (სახალხო-დემოკრატიული პარტია) 12.90% მიიღო და პარლამენტში 78 ადგილიც მოიპოვა. სწორედ ამან განარისხა ალბათ თურქეთს ხელისუფლების წარმომადგენლები.

წიგნის მაღაზიის დარბევა, რომელიც ქურთებს ეკუთვნოდათ

ნაცემ ქურთს აიძულებ აკოცოს მუსტაფა ქემალ ათათურქის ბიუსტს

კონიეში განრისხებული თურქების ბრბომ ქურთების სახალხო-დემოკრატიული პარტიის ოფისი დაარბია

ნაცემი ქურთი