2017 წლის 14-22 ოქტომბრის განმავლობაში, რუსეთის ქალაქ სოჭში სტუდენტების და ახალგაზრდების საერთაშორისო ფესტივალი გაიმართა.
ფესტივალზე 30 000-მდე ახალგაზრდა იქნა მიწვეული მსოფლიოს 180-მდე ქვეყნიდან. ღონისძიებაზე მიპატიჟებული იყო აგრეთვე საქართველოს დელეგაცია. ფესტივალზე იმყოფებოდნენ პოლიტიკანოს წარმომადგენლებიც და გთავაზობთ ჩვენს მიერ დანახული ფესტივალის აღწერას.
ფესტივალი გამოირჩეოდა თავისი მასშტაბურობით, პომპეზურობით და წარმომაგდენლობით. მაგრამ ჩვენ ყურადღება გვინდა გავამახვილოთ მის ერთ-ერთ საინტერესო შემადგენლზე, კერძოდ იმ ფაქტზე რომ ფესტივალი გამოირჩეოდა მემარცხენე აქტივისტების სოლიდური კონტინგენტით. კომუნისტების და სოციალისტების უხვი წარმომადგენლობით გამოირჩეოდნენ, როგორც ლათინური ამერიკის, ასევე ევროპის ქვეყნები.
ჩვენ თითიეულ მათგანს გავესაუბრეთ. თავისი მხიარულებით და პოზიტიური განწყობით გამოირჩეოდნენ ლათინური ამერიკის, კერძოდ კი ცენტრალური ამერიკის ქვეყნების წარმომადგენლები. მიუხედავად არც თუ ისე სახარბიელო ეკონომიკური მდგომარეობისა, ისინი ყველაზე ბედნიერად გამოიყურებოდნენ. ამაზე სხვათაშორის სხვადასხვა ე.წ. ბედნიერების რეიტინგებიც მეტყველებს.
სხვადასხვა ევროპული ქვეყნების წარმომადგენლები ცალსახად აღნიშნავდნენ, რომ მათ ქვეყნებში მოსახლეობის უმრავლესობა ევროკავშირის პოლიტიკით იმედგაცრუებულია:
- კერძოდ, ევროკავშირში შემავალი ქვეყნები მხოლოდ წესდების მიხედვით არიან თანასწორები, რეალურად კი მათ დამოუკიდებელი პოლიტიკის წარმართვის საშუალება არ გააჩნიათ. ისინი სუვერენიტეტს ფაქტიურად კარგავენ, რადგანაც ხშირ შემთხვევაში ბრიუსელის დირექტივების შესრულება უწევთ. მაგალითად პოლონელი ახალზარდები ერთხმად აღნიშნავდნენ, რომ ევროკავშირი მათ ემუქრება თუ ისინი, მიგრანტებისთვის არ საზღვრებს გახსნიან.
- ევროკავშირი არის გლობალური კაპიტალუსტური სისტემის გასამყარებელი ინსტიტუტი, რომელიც ხშირ შემთხვევაში ტრანსნაციონალური კორპორაციების ინტერესებიდან გამომდინარე მოქმედებს და არა ქვეყნის მოსახლეობის საჭიროებებიდან გამომდინარე.
ამ დღეების განმავლობაში შემოგთავაზებთ ახალგაზრდა ევროპელ აქტივისტებთან მცირე ვიდეო ინტერვიუებს, სადაც ისინი ევროკავშირზე საუბრობენ.
Politicano 