ის, რომ განათლება ერთ-ერთი ყველაზე აქტუალური პრობლემაა საქართველოში მე მგონი ყველასთვის ნათელია და ამაზე ლაპრაკით თავს არ მოგაწყენთ. სწორედ ამიტომაც პოლიტიკანო დაინტერესდა თუ მშპ-ს რა ნაწილს ახმარს საქართველოს დღევენდელი ხელისუფლება განათლებას და ამ მრივ რა სიტუაციაა მოსფლიოს სხვადასხვა ქვეყნებში.
ბოლოს 8 წლის განმავლობაში საქართველოში ამ კუთხით დიდად არაფერი არ შეცვლილა და განათლებაზე გამოყოფილი თანხები მშპ-ს 3%-ს არასდროს არ აღემატებოდა; განათლების და მეცნიერების სამინსტროსთვის 2015 წლის ბიუჯეტის მიხედვით 828 მლნ ლარია გამოყოფილი, რაც მშპ-ს 2.7%-ს შეადგენს. შედარებისთვის თავდაცვის სამინისტროსთვის გამოყოფილია 625 მლნ ლარი, ხოლო შინაგან საქმეთა სამინისტროსთვის 600 მლნ ლარი.
ჩვენ გადავხედეთ მსოფლიო ბანკის საიტზე სხვადასხვა ქვეყნების მონაცემებს და შევამჩნიეთ, რომ განვითარებული და განვითარებადი ქვეყნების აბსოლუტური უმრავლესობა მთლიანი შიდა პროდუქტის მინიმუმ 5%-ს ახმარს განათლებას. უფრო მეტიც, თქვენთვის ასე თუ ისე ნაცნობი ქვეყნებიდან, მხოლოდ ერთი ქვეყანა იმეტებს პროცენტულად მშპ-დან უფრო ნაკლებ თანხას განათლებისთვის ვიდრე საქართველო – ეს ქვეყანა სომხეთია.
გრაფაზე ნაჩვენებია თუ პროცენტულად მშპ-ს რამდენ პროცენტს შეადგენს სხვადასხვა ქვეყნების მიერ განათლებისთვის გამოყოფილი ხარჯები. წყარო: მსოფლიოს ბანკი
საქართველო ქვეყნების 100ლშიც კი ვერ შედის განათლებაზე გამოყოფილი ხარჯების/მშპ-ს შეფარდების მიხედვით და მხოლოდ ისეთ ქვეყნებს უსწრებს როგორიცაა ბერმუდა, ჩადი, ლიბანი და პაკისტანი.
პროცენტულად მშპ-სთან შედარებით განათებაზე ყველაზე დიდ თანხებს დანია, ფინეთი, ახალი ზელანდია და ყირგიზეთი ხარჯავენ.
Politicano 